لعبة لخمة (من ٢ الى ١٠ لاعبين)

لعبة "لخمة" – خلي اللمّة تصير لخمة! 😜

لعبة حماسية بتناسب الكبار والصغار من عمر 8 وطالع، وبلعبوها من 2 لـ 10 أشخاص… يعني لمّة ولا أروع!

شو فيها؟
100 بطاقة منوّعة بتخربط الدماغ وتفجّر الضحك!

كيف تنلعب؟
كل لاعب بأخذله كم بطاقة (من 4 لـ 8 حسب قديش حابين تطوّلوها). البطاقات بتظل مقلوبة، ما في طقّ برغوت ولا غش 👀

بدورك، بترمي بطاقة عالسريع بالوسط، وعندك 3 ثواني تجاوب. إذا خبّصت أو اتأخرت؟ مبروك! خُد كل البطاقات اللي بالنص 😅

الفايز؟ هو اللي بخلّص بطاقاته قبل الكل. واللعبة بتضل ماشية لحد ما يضل لاعبين بس.

أنواع البطاقات (وخربطتها):
🎨 أسماء الألوان: الجواب بلون الخط، مش الكلمة! وإذا اللون أسود؟ بتمشيها على لون الخلفية.
😵 بطاقة "لخمة": نفس نظام الألوان. لا تحاول تذكّر… انخبص!
🌞🌙⭐ الأشكال: شوف الشكل واحكي اسمه، مالك دخل باللون.
🖐 اليد: أول واحد بيحط إيده على الكومة بنجو، وآخر واحد؟ يلا لِم!
👉 "ألقط": لازم اللاعب يوجّه إيده عحدا بسرعة ويقوله "ألقط". تأخرت أو نسيت تحكيها؟ يلا… الكروت إلَك 🤭

ليش تلعبوها؟
لعبة بتكسر الروتين، بتجمع العيلة والصحاب، وبتخلي الضحك شغّال والقلوب تدق من التوتر 😅
بتنمي التركيز، وسرعة البديهة، وبتعمل جوّ ما بينتسى!